Cerita Rakyat/Warahan Logat Melinting “Betung Sengawan” dalam Bahasa Lampung

  • Whatsapp

Betung Sengawan

Zaman rebey di Pugung wat raja gelarno raja Sinapik. Raja sijo ngemik anak nem bakas unyin. Kenem bakas sijo kak kuruk meranai, kidang Raja Senapik mak ago ngemandy tukuron. Beliau nunggu anakno si kepiteu.

Ulih anak kepitu mak jugo laher, ahirno Raja Senapik ago ngemandi tukuron kenem anakno. Kak biaso ki ago begawi merluken pering juk lattai garang jengan bumasak rik sai barehno. Jomo ramik nuar pering. Serumpun pering kak dituar unyin, tinggal sai batang. Ukoran pering sai batang sijo balak temen, anihno mak dapok dituar jamo macem-macem senjato nyou jugo. Tinggal sai lagi lak penakai. Curik burak pakai ngabelah puttung.

Bacaan Lainnya

“Tagan, sikam cuba pakai curik sijo.” Cawa Raja Senapik.

Ahirni rubuh jugo pering sijo. Unyin pering dibo tian mulang. Ago dibelah di nuwo. Penanno pering sai balak sino dibelah, jak lom pering luwah sanak bakas. Yo kak pandai cawo jamo lapah.

Atei Raja Senapik seneng temmen, yo laju ngangkat anak pering sijo jadei anakno. Titutukken jugo dilem begawi. Gegoh jamo si barih yo dijuk adek. Raja Senapik ngeniken adek jamo yo Pangeran Sangun Pebuyutan.

Pepiro tahun kak liwat Pangeran Sangun Pebuyutan gado balak. Ya buniat ago tandek nyepok pengalaman. Sebenorno layin ulah ago nyepok pengalaman, yo kak mak tahan ulah kelakuan kakak-kakakno, si agao metikeno. Pepiro kejadian si mak wajar ulih wari tuhono.

Suatu waktu Pengiran Sangun Ratu Pebuyutan dikisung tian ninjuk Lemaweng si lagi nganak lunik, anakno dikisung bo mulang.

Dirani si likut yo munih dikisung mapah kayu aro si dituar kenem warei tuhono supaya dang keno tanoh. Ratu Sangun Pebuyutan ngisung kayuno mulang sayan. Perintah jak kenem wareino mak jugo ngamatikkenno. Pengiran Ratu Sangun Pebuyutan ulah kesaktianno dacok ngejalanko unyinno.

“Lamun nikeu mak mingan ago tandek, guwai senjatoumo, pilihmo pusako sai wat sijo. Kedo nikeu siling diyo jugo. “Cawa Raja Senapik. Yo mak tahan munih ngeliak anak bungsuno disikso kenem kakak-kakakno.

Pengiran Sangun Pebuyutan, milih salah sai pusaka, kidang si diakukno layin pusako kesayangan Raja Senapik. Yo kilu besei burak si nuar betung jengan yo luwah ho.

Pengiran Sangun Ratu Pebuyutan lajeu lapah nutuken lapahan cukutno. pepiro panas yo lapah, ahirno Pengiran Sangun Pebuyutan tigoh di Pugung. Yo tumbuk rajo sai lagi miter. Rajo sijo gelarno Rajo Kilap. Yo lajo ngalulih.

“Apa nikeu?”

“Sikam Sangun Ratu Pabuyutan.”

“Nikeu jak kedo?”

“Sikam jak Pugung.”

“Apo Ulun tuho meu?”

“Ulun tuho sikam Raja Senapik.”

Tian lajo akrab.

“Nikeu kuakkat jadei wariku. Ngagantiken wareiku si matti wo rani si likut.” Cawo Raja Kilap. Jak sino Pengiran Sangun Pebuyutan hurik nutuk Raja Kilap di Pugung. Kak betahun Sangun Ratu Pebuyutan hurik jamo Raja Kilap, yo wat niyat ago baik. Muli si digeringei eno jak Komering, kak wat tunangan. Yo laju ngumung jamo wari akkatno. Raja Kilap setuju. Tian laju nunang mulei ejo.

“Dapok niku kawin jamo anakkeu, kidang wat syaratno. “Cawa ulun tuho mulei.

“Cawoken syaratno, mudah-mudahan sikam dapok ngabulkenno. “Cawo Raja Kilap.

“Calon anak mantu sikam harus tinggal di dijo. Sebab sikam makko anak bakas”, Cawo ulun tuho mulei.

Pangiran Sangun Ratu Pabuyutan nyanggupi syarat ulun tuha mulei sino. Tian dinikahken. Raja Senapik jak Pugung jamo kenem kakakno ratong ngeni selamat jamo Sangun Ratu Pebuyutan.

Betahun yo nagen di Komering jamo majono. Pangiran Sangun Pebuyutan ngemik anak tigo ragah unyen. Si tuho gelagno Ryo Pendengei. Anak si nomor duwo gelagno Ryo Pesinggahan. Si bungsu gelarno Ryo Sakti.

Sumber Referensi:

  • Pamungkas dan Muharam, Iskandar. 2015. Mahir Bahasa dan Budaya Lampung. Bandarlampung: Gunung Raja.

Pos terkait

Tinggalkan Balasan

Alamat email Anda tidak akan dipublikasikan. Ruas yang wajib ditandai *

1 Komentar