Enyo si dimaksud jamo Miah Damar (JAGA DAMAR) yakdo acara sai diwatko juk muli meranai. Tujuanni jadi pok tiyan saling ngenal sai jama sai barih. Miah Damar risok juga dicawako jaga damar, sukuwarian atau miah-miahan. Di bah sinji ram pelajari hal sai berkenaan jama acara Miah Damar:
- Pesertani muli jama meranai sai wat di pekon pok begawi jama muli meranai undangan jak pekon tetangga;
- Kapan waktu pelaksanaan acara Miah Damar iyulah biasanya jak jam 10 malam sappai jam 3 subuh;
- Pokni di tarub sai radu disediako jama saibul hajad. Biasani dihias jama kain ras Lampung;
- Muli kuruk di lom kuta bah tarub, tian mejong bubaris nutukko dinding kuta;
- Meranai nyusul kuruk diator jama kepala Bujang.
Juk ngehormati tamu jauh biasani ya kuruk mena. Dipa pok ya mejong diserahko jama meranai sina. Ya bibas haga mejong haguk muli sai dipilihni. Disusul meranai barih. Ki tiap muli radu wat meranai di haguk ya kidang di luah masih wat meranai sai kung kuruk. Ketua bujang dapok ngajungko bujang sina kuruk mejong dibulakang meranai sai kak mena. Meranai sai mejong di kudan dacok bubalah jama muli kidang seijin meranai sai dihadapanni.
Sumber Referensi:
- Pamungkas dan Iskandar Muharam. 2014. Mahir Bahasa dan Budaya Lampung untuk Kelas XI. Lampung Selatan: PT. Gunung Raja.
