Taman Purbakala Pugung Raharjo jengganni di tiyuh Pugung Raharjo kecamatan Sekampung Udik, kabupaten Lampung Timur, Provinsi Lampung. Jarak anjak Bandar Lampung lebih kurang 52 km ke sebelah timur. Mengunjungi situs sinji ram dapok ngeliyui perkebunan karet sai berak.
Taman Purbakala Pugung Raharjo di ketemukan pada tahun 1954. Mulani kawasan sinji ngerupako las. Ulih masyarakat transmigrasi pulan sinji dibuka menjadi jengan buhuma. Saat sina butungga susunan batu rik gundukan tanoh. Seradeu diteliti jama ahli sejarah anjak Dinas Purbakala Jakarta pada tahun 1968 di tetapko sebagai situs Taman Purbakala. Pemugaran dilakuko senayah rua kali yakni tahap pertamo 1977 rik tahun 1984 tahap kerua.
Peninggalan-peninggalan di Taman Purbakala Pugung Raharjo dipengaruhi kebudayaan Hindu rik Budha sekitar abad ke-6 sampai abad ke-15 Masehi juga wat benda keramik Cina pada masa dinasti Han, Yuan, Sung Rik Ming.
Situs sinji dikelilingi benteng primitive setijang 1,2 km sai diperkirak sebagai benteng sekaligus berpungsi sebagai aliran wai guwai memenuhi kebutuhan penduduk dilom benteng.
Sumber Referensi:
- A.A. Pamungkas dan Iskandar Muharam. 2016. Mahir Bahasa dan Budaya Lampung untuk Kelas XI. Lampung Selatan: PT. Gunung Raja.
- Kajian Pengembangan Taman Purbakala Pugungraharjo Lampung Timur (2019), tersedia secara online di situs: https://kebudayaan.kemdikbud.go.id/bpcbbanten/kajian-pengembangan-taman-purbakala-pugungraharjo-lampung-timur/
