Percakapan Lesung Emas Dalam Bahasa Lampung (Lengkap)

  • Whatsapp

Cerita rakyat Lesung Emas ini berasal dari daerah Liwa, Lampung Barat. Cerita ini turun-temurun terus dilestarikan oleh masyarakat setempat. Berikut ini Percakapan/Dialog Kisah Lesung Emas dalam Bahasa Lampung menggunakan Percakapan dialek A logat Belalau dari Liwa Lampung Barat.

LESUNG EMAS

(Di daghak hughik ghuwa inggoman. Tiyan kak nganak sai. Anakni kak kughuk ngamuli. Penyepokan tiyan nyabah di tanahni Punyimbang Bumi)

Bacaan Lainnya

Murod : Lesung emas sinji haga tiseghahkon jama Penyumbang Bumi
Lekok : Ngapi haga tiseghahko jama punyimbang? Tagan di dija gawoh. Sikam ghuwa
sai ngahalu lesung emas sina
Murod : Temon sina sikam ghuwa sai ngahaluni, kidang tanoh sabahni pengenian anjak
Punyimbang, kak semestini gham seghahko jama sai berhak
Maisaroh : Bunda, benogh cawa ayah, lesung emas sina kak semestini gham seghahko
jama Batin Ratu Sangun Bijak. Kidang dang ganta
Murod : Ngapi mak geluk gham seghahko, Saroh?

Maisaroh : Dang tiseghahko kung ki helluni mekung kehaluan gham
Murod : Kanah ayah jelasko jama Batin Ratu, helluni mekung kehaluan. Kik ghadu
tungga tantu gham seghahko
Lekok : Kik Batin Ratu mak peghcaya, beno ayah dituduh bebuhung. Sikam dapok
dipenjagha unyin
Murod : Dang neduh teduh mak helau jama Batin Ratu. Jemoh kalalibuk ayah haga
ngantakko lesung emas sinji.

(Singkat ceghitani Murod kak ngahadap Batin Ratu Sangun Bijak)

Ratu : Cawa pengawal, wat sai haga kuti seghahko jama sikam, api hal sina?
Murod : Mahap sikam kilu mahap jama Batin Ratu kak ghadu ngaganggu Batin.
Keghatongan sikam mit dija haga nyeghahko lesung emas
Ratu : Lesung emas?

Murod : Yu Batin Ratu. Lesung emas sinji sikam halu jak tanoh pengenian Batin Ratu pepigha bulan sai likut. Sewaktu sikam jama inggoman lagi ngagali tanoh haga ngaguwai somogh, tembilang sikam takena lesung emas sinji.
Ratu : Oh ghena ceghitani. Kidang dipa helluni? Kik wat lesung kak tentu wat helluni.
Murod : Sikam makwek buhalu jama helluni. Angkah lesung sinji sai tihalu.
Ratu : Niku pasti bubuhung. Niku pandai, sapa gawoh si ngabuhungi ghajani dapok hukuman penjagha
Murod : Sikam paham Ratu, kidang api ulah diya, sikam angkah dapok lesungni, sedangko helluni sampai ganta mak tihalu. Sikam bujanji kik helluni tihalu langsung gham seghahko jama Batin Ratu
Ratu : Sikam mak peghcaya niku, hulun pembuhung. Pengawal! Kughukkon tukang buhung hinji ke lom pengjagha!

(Murod kughuk penjagha. Maisaroh lapah ngahadap ghaja, kilo bibaskon ayahni)

Maisaroh : Temondo Batin Ratu, helluni kung tihalu. Ayah sikam mak bubuhung. Mak mungkin sikendua bani bebuhung jama junjungan sikam
Ratu : Sikam kung peghcaya. Kidang dacok gawoh ulun tuhamu bibas, kik niku dapok menuhi syarat jak sikam
Maisaroh : Sikam sanggup. Api syarat sina?
Ratu : Jemoh ayahmu dapok bibas, ki niku ghatong nyungsungni mit dija. Asalko niku mak bisinjang bukawai, kidang mak bitung. Mit dija mak bukendaraan, kidang mak munih lapah cukut. Ki niku mak sanggup, taganko hulun tuhamu kughuk penjagha seomogh hughikni.

(Sesampaini di lamban Maisaroh bughiyap, api caghani ngejawab peghintah Batin Ratu. Tengah debingi ya nungga cagha ngehadop Batin Ratu. Jemohni di jengan Ratu Sangun Bijak kak nunggu keghatongan Maisaroh.)

Cerita lesung emas dari Liwa Lampung Barat, Sumber gambar: https://reginasyuri25.blogspot.com/)

Maisaroh : Selamat Tepui, Batin Ratu

(Cawa Maisaroh jak lom kaghung sai tiikok do galah kibau)

Ratu : Selamat tepui. Sapa niku sai ngumung kidang mak ngidok hunni
Maisaroh : Sikam Maisaroh, Batin Ratu. Sikam haga nagih janji Batin Ratu. Ganta bibasko ayah sikam jak penjagha
Ratu : Api halni ayahmu dapok bibas? Niku masih ingok syaratni?
Maisaroh : Masih ingok, Batin Ratu. Sikam ghatong di dija mak makai sinjang atawa kain, kidang juga mak bitung.
Ratu : Api syarat sina kak niku penuhi? Ganta gawoh kok jelas niku makai kaghung.
Maisaroh : Syarat sina kak sikam penuhi. Sikam sebenogh mak bupakaian. Hal kaghung sinji, sikam haga ngagulih jama kuti ghumpok. Ghepa cagha kuti bupakaian? Ki makai sinjang diikokkon di badan, ki makai kawai disughungkon di culuk dikughukkon di galah. Juk ghena kan, Batin Ratu?
Ratu : Sinado cagha hulun bupakaian
Maisaroh : Jadi sebenoghni sikam mak bupakaian, kidang juga mak bitung.
Ratu : Payu kidah, syarat pertama kok niku penuhi, kidang syarat keghuwa. Niku mit dija cakak kendaraan. Sikam ghadu cawako nambi mak makai kendaraan juga mak lapah cukut.
Maisaroh : Batin Ratu, sapa sai makai kendaraan? Sikam mak makai kendaraan juga mak lapah cukut. Hal kibau sinji, sikam haga butanya jama kuti khumpok. Sai dicawako cakak kendaraan ki gham mejong di lambungni kibau atawa sikam cakak di geghubak sai ditaghik ulihni. Sedangkon, sikam mak mejong di tundunni, api lagi cakak geghubak. Sikam angkah kughuk di lom kaghung sai nyangkut di kekalahni.

(Ratu Sangun Bijak mehaman. Api sai dicawako Maisaroh sangun benogh. Ahighni hulun tuha Maisaroh dibibasko. Ratu Sangun Bijak kagum jama kecerdikkan Maisaroh. Maisaroh diangkatni jadi inggoman Ratu Sangun Bijak.)

(Disadur dari cerita rakyat Lesung Emas berasal dari daerah Liwa, Lampung Barat)

                                                         --- Selesai ---

Pos terkait

Tinggalkan Balasan

Alamat email Anda tidak akan dipublikasikan. Ruas yang wajib ditandai *